The Newport Intervention: We Are Here, Because You Were There
Mark Seymour, Dylan Moore, Dr Sara de Jong
Dewch i ymuno â ni yng Nglan yr Afon ar Ddydd Iau 9 Chwefror, 6pm – 8.30pm, pan fyddwn yn dod â’n harddangosfa bresennol We Are Here, Because You Were There i Gasnewydd drwy gyfrwng trafodaethau a gosodiad taflunio.
Mae hon yn argoeli i fod yn noson ddiddorol lle gallwn ganolbwyntio ar sefyllfa’r cyfieithwyr o Affganistan oedd wedi gorfod ffoi o’u cartrefi wedi i’r lluoedd tramor ymadael gan ddod i ymgartrefu ym Mhrydain. Mae croeso i bawb ymuno â ni a’n helpu i barhau â’r sgwrs.
Dyma amserlen y noson:
6pm – Croeso – Cyntedd Glan yr Afon
6.15 – 6.30pm – Gosodiad awyr agored: Ymunwch â ni wrth y Don Ddur i weld tafluniad o ffilm fer a grewyd o luniau a sain o’r arddangosfa. Bydd y ffilm yn cael ei dangos ar ochr adeilad Glan yr Afon.
6.45 - 7.45pm – Trafodaeth panel – Adsefydliad Cyfieithwyr Affganaidd ym Mhrydain a Chasnewydd fel Dinas Noddfa.
Bydd y caffi’n agored wedyn i gael bwyd a diod.
Trwy gydol y noson hefyd, bydd yr artist Stephanie Roberts yn cynnal gweithdy creu mosaig y gallwch alw i mewn iddo i’w fwynhau yn rhad ac am ddim.
Proffil Artistiaid
![Portread o Mark Seymour](https://files.ffotogallery.org/people/Portraits/_portrait/Mark-Seymour.jpg?mtime=20230126135643&focal=none&tmtime=20230126135940)
Mark Seymour
Mae Mark wedi byw yng Nghasnewydd ers 27 mlynedd. Gweithiodd yn broffesiynol fel Athro Arweiniol mewn ysgol amlddiwylliannol yng Nghaerdydd am 25 mlynedd. Sefydlodd Mark y Sanctuary yn 2005 i gefnogi ceiswyr lloches a ffoaduriaid i ailadeiladu eu hymdeimlad o gymuned a pherthyn yng Nghasnewydd. Mae’r prosiect, sy’n cael ei redeg gan The Gap Wales, elusen leol fechan o Gasnewydd, wedi’i leoli yn Stow Hill ac mae’n cynnig amrywiaeth o gymorth a gweithgareddau llesiant cyfannol i ffoaduriaid a cheiswyr lloches. Mae'n mwynhau beicio, garddio, gwylio rygbi ac mae'n frwd iawn dros fynd i'r afael ag anghyfiawnder.
![Portread o Dylan Moore](https://files.ffotogallery.org/people/Portraits/_portrait/Dylan-Moore.jpg?mtime=20230126135504&focal=none&tmtime=20230126135941)
Dylan Moore
Mae Dylan Moore yn sylwebydd toreithiog ar gyfryngau a diwylliant Cymru. Ar hyn o bryd, mae’n arwain gwaith polisi’r cyfryngau ar gyfer y Sefydliad Materion Cymreig ac mae wedi golygu’r cylchgrawn the welsh agenda ers 2014. Mae ei newyddiaduraeth a’i sylwebaeth ddiwylliannol wedi ymddangos yn eang, gan gynnwys yn y Times Educational Supplement, Daily Telegraph, Vanity Fair ac ar BBC Radio 4 a Radio 1Xtra.
Llyfr diweddaraf Dylan yw’r nofel Many Rivers to Cross, a enillodd Ysgoloriaeth Deithio Cymdeithas yr Awduron 2022. Mae’r llyfr yn rhannol seiliedig ar ei brofiadau yn gwirfoddoli ac yn gweithio yn y Sanctuary Project i ffoaduriaid yng Nghasnewydd, ac mae’n ymwneud â mudo o Ethiopia.
Cyhoeddwyd ei lyfr cyntaf Driving Home Both Ways, sy’n gasgliad o draethodau teithio, yn 2018 – yr un flwyddyn yr enillodd Dylan Gymrodoriaeth Ryngwladol Gŵyl y Gelli.
Mae Dylan yn byw gyda'i deulu yng Nghaerdydd.
![Portread o Dr Sara de Jong](https://files.ffotogallery.org/people/Portraits/_portrait/UoY_Politics-Sarah-De-Jong_October-2022-Alex-Holland-8.jpg?mtime=20221212143450&focal=none&tmtime=20221216104604)
Dr Sara de Jong
Mae Dr Sara de Jong yn Uwch Ddarlithydd yn yr Adran Wleidyddiaeth ym Mhrifysgol Efrog, ac mae hi’n ymchwilio amddiffyniad ac ailgartrefu cyfieithwyr Afghanistanaidd a gyflogir gan fyddinoedd y Gorllewin. Ers 2017, mae hi wedi cynnal mwy na 80 o gyfweliadau gyda chyfieithwyr ac eiriolwyr yn y DU, yr Unol Daleithiau, Canada, Yr Almaen, Ffrainc a’r Iseldiroedd. Hi hefyd yw un o sefydlwyr yr elusen Sulha Alliance, sy’n eirioli dros gyfieithwyr o Afghanistan a weithiodd i Luoedd Arfog Prydain.